22.34.25 խաղատան դիմաց մերկասառույցի պատճառով բախվել են 40-ից ավելի ավտոմեքենաներ | |
| Այսօր՝ փետրվարի 8-ին, խոշոր ավտովթար է տեղի ունեցել Կոտայքի մարզում։ Ժամը 08։00-ի սահմաններում մերկասառույցի պատճառով Երևան-Սևան ավտոճանապարհի` « Շանգրի Լա» խաղատան դիմացից մինչև Արծիվի արձան ընկած տարածությունում, բախվել են 40-ից ավելի տրանսպորտային միջոցներ։ Ինչպես վթարից վայրից հայտնում է ֆոտոլրագրող Գագիկ Շամշյանը, նշված հատվածում երթևեկությունը ճանապարհային ոստիկանության 2-րդ սպայական գումարտակի աշխատակիցների կողմից դադարեցվել է։ Դեպքի վայր են ժամանել մի քանի ապահովագրական ընկերությունների ներկայացուցիչներ։ Ֆոտոլրագրողը հայտնում է, որ վթարվել են «Լեքսուս», «ԲՄՎ» «Մերսեդես», «Վազ 2121», շտապօգնության և մի քանի մանկինշի ավտոմեքենաներ։ Վ թարի հետևանքով, այս պահի տվյալներով, զոհեր և վիրավորներ չկան։ Ֆոտոլրագրողը հայտնում է նաև, որ առավոտվանից ճանշինի պատասխանատուները ոչ մի աշխատանքներ չեն կատարել մերկասառույցը վերացնելու համար։ Ճանապարհին չի լցվել ո՛չ աղ, ո՛չ ավազ։
 | |
|
| |
| Մեկնաբանություններն ընդամենը՝: 0 | |
